വിശുദ്ധ ലൂക്കാ സുവിശേഷകന്‍ അന്ത്യോക്യയില്‍ വിജാതീയ മാതാപിതാക്കളില്‍നിന്നു ജനിച്ചു. വിശുദ്ധ പൌലോസിന്റെ സ്നേഹിതനായിരുന്നു അദ്ദേഹം (കൊളോ 4,14). പൌലോസിന്റെ രണ്ടാമത്തെയും (അപ്പ 16,10-11) മൂന്നാമത്തെയും (അപ്പ 20, 5-8) പ്രേഷിതയാത്രകളിലും റോമിലെ കാരാഗൃഹവാസകാലത്തും (അപ്പ 27, 1-28,16; 2 തിമോ 4,11; ഫിലെ 23) ലൂക്കായും കൂടെയുണ്ടായിരുന്നു. ഇക്കാരണങ്ങളാല്‍, വിജാതീയരുടെ ഇടയിലേക്കു വളര്‍ന്നുവികസിച്ചുകൊണ്ടിരുന്ന സഭയുടെ ആവശ്യങ്ങള്‍ മനസ്സിലാക്കാന്‍ മറ്റാരെയുംകാള്‍ ലൂക്കായ്ക്കു കഴിയുമായിരുന്നു.
സ്നാപകയോഹന്നാന്റെ ജനനത്തെസംബന്ധിച്ചു ദേവാലയത്തില്‍ വച്ചുണ്ടായ അറിയിപ്പോടെ (1,11) ആരംഭിക്കുന്ന സുവിശേഷം, ദേവാലയത്തെക്കുറിച്ചുള്ള പരാമര്‍ശത്തോടെയാണ്‌ അവസാനിക്കുന്നത്‌ (24,53). ദേവാലയത്തിനു പ്രാധാന്യം കല്‍പിച്ചുകൊണ്ടുള്ള യഹൂദവീക്ഷണത്തിന്റെ സ്വാധീനം ഇവിടെ പ്രതിഫലിച്ചുകാണുന്നു. എന്നാല്‍, രക്ഷാകരപദ്ധതി വിജാതീയരെക്കൂടെ ഉള്‍ക്കൊള്ളുന്നതാകയാല്‍ അവര്‍ക്കു പ്രത്യേകിച്ചും സ്വീകാര്യമായൊരു വീക്ഷണം അവലംബിക്കുന്നതിലാണു സുവിശേഷകന്റെ സവിശേഷശ്രദ്ധ പതിയുന്നത്‌. ഇതു വ്യക്ത്മാക്കാനെന്നോണം, യേശു വിജാതീയരുടെ ഗലീലിയില്‍ പഠിപ്പിച്ചുകൊണ്ടു തന്റെ രക്ഷാകരദൌത്യം ആരംഭിക്കുന്നതായും സകല ജാതികളോടും രക്ഷയുടെ സദ്വാര്‍ത്ത അറിയിക്കാന്‍ ശിഷ്യന്മാരെ ചുമതലപ്പെടുത്തിക്കൊണ്ട്‌ അവസാനിപ്പിക്കുന്നതായും സുവിശേഷകന്‍ വിവരിക്കുന്നു.
ലൂക്കായുടെ സുവിശേഷത്തെ ഇങ്ങനെ വിഭജിക്കാം:
---------------------------------------
ലൂക്കാ എഴുതിയ സുവിശേഷം - ആമുഖവും അധ്യായങ്ങളും
---------------------------------------
സ്നാപകയോഹന്നാന്റെ ജനനത്തെസംബന്ധിച്ചു ദേവാലയത്തില്‍ വച്ചുണ്ടായ അറിയിപ്പോടെ (1,11) ആരംഭിക്കുന്ന സുവിശേഷം, ദേവാലയത്തെക്കുറിച്ചുള്ള പരാമര്‍ശത്തോടെയാണ്‌ അവസാനിക്കുന്നത്‌ (24,53). ദേവാലയത്തിനു പ്രാധാന്യം കല്‍പിച്ചുകൊണ്ടുള്ള യഹൂദവീക്ഷണത്തിന്റെ സ്വാധീനം ഇവിടെ പ്രതിഫലിച്ചുകാണുന്നു. എന്നാല്‍, രക്ഷാകരപദ്ധതി വിജാതീയരെക്കൂടെ ഉള്‍ക്കൊള്ളുന്നതാകയാല്‍ അവര്‍ക്കു പ്രത്യേകിച്ചും സ്വീകാര്യമായൊരു വീക്ഷണം അവലംബിക്കുന്നതിലാണു സുവിശേഷകന്റെ സവിശേഷശ്രദ്ധ പതിയുന്നത്‌. ഇതു വ്യക്ത്മാക്കാനെന്നോണം, യേശു വിജാതീയരുടെ ഗലീലിയില്‍ പഠിപ്പിച്ചുകൊണ്ടു തന്റെ രക്ഷാകരദൌത്യം ആരംഭിക്കുന്നതായും സകല ജാതികളോടും രക്ഷയുടെ സദ്വാര്‍ത്ത അറിയിക്കാന്‍ ശിഷ്യന്മാരെ ചുമതലപ്പെടുത്തിക്കൊണ്ട്‌ അവസാനിപ്പിക്കുന്നതായും സുവിശേഷകന്‍ വിവരിക്കുന്നു.
ലൂക്കായുടെ സുവിശേഷത്തെ ഇങ്ങനെ വിഭജിക്കാം:
- 1:1 - 2:52 ബാല്യകാലസുവിശേഷം
- 3:1 - 4:13 ശുശ്രൂഷയ്ക്കുള്ള ഒരുക്കം
- 4:14 - 9:50 ഗലീലിയിലെ ശുശ്രൂഷ
- 9:51 - 19:28 ജറൂസലെമിലേക്കുള്ള യാത്ര
- 19:29 - 21:38 ജറൂസലെമിലെ ശുശ്രൂഷ
- 22:1 - 24:53 പീഡാനുഭവവും മഹത്വീകരണവും
---------------------------------------
ലൂക്കാ എഴുതിയ സുവിശേഷം - ആമുഖവും അധ്യായങ്ങളും
---------------------------------------